SABI-SABI (Episode five): The PH Street diary) As narrated by Street Person based on a true Port-Harcourt city experience

That year e get one barny wey dey stay area, her name na Ibifuro that barny too fine๐Ÿ˜‹, senior men them for the area done dey set their pin, even if na 16 years she dey, area no go rest.
Ibifuro and her mama been dey stay the next street, for Emenike, them dey sell food and chews, akara and bread for the morning, mama put for night, you know as PH hustle dey be, who no work no go chop. ๐Ÿ˜‚

Ibifuro say she was in Primary 3 when her father died, say na crises for Abuloma naim kpai the man, them throw dynamite for the room when the man dey sleep, the kind way e blow, e blow like Dandizzy hits.
So one day as e be, I get the least change, street pay that day you know the normal matters, na so I lap Emenike with that hunger pressure, as I see Ibifuro, na so my body cold! Who be this!! she want use fine kill me!! ๐Ÿ˜
Mamiwater, nothing you want tell me.๐Ÿ˜
“Howfa fine girl, i want buy beans and yam”
As she dey put, Jerome, I just dey look her face.
No be small thing oh, the barny too fine, but as man when I be, I know say them no dey fine finish, your serious barny fit be the next man press and go.
“Wetin be your name na?”๐Ÿ˜๐Ÿ˜‰
“Ibifuro”
Her voice soft eh, which kind girl be this, I chook her pin make I know when we go see, but shakara no gree the barny talk. ๐Ÿ˜™
That night, after I kpras, when I want crash, I reason Ibifuro matters again, something must kill a man, you know as e be.

Sabi-Sabi dey continue on Monday!

Sabi-Sabi | Monday – Friday | 10:00AM | phcityvibes

2 comments

  1. I’ve been following this story on your Instagram handle, na wetin street need confirmento!โœŒ๏ธโœŒ๏ธโœŒ๏ธ

    Like

Comments are closed.