Wida your eyes, Anything can happen – NYSC tells Corp members.

Senior Man, how e be na?

This hot afternoon naim I carry bossout come tell you wetin dey happen. Major General Suleiman Kazaure, wey be Senior man for NYSC done straighten Corp members wey them put for INEC work say for this Election, Wida your eyes!

Have you read Our Official Statement yet?

No be small thing Baba, em say as em dey tell them so, say make them focus, say if them take am say na rubbers (money) them want go make there, say e go cast, because as them catch that person, two seconds, Ojo done mant am.

Em come still tell them say make them dey on their widas for the polling station so, say as them reach, make them observe the area first, say incase if everywhere rass, make them find the nearest bush enter, but if your leg carry too, make you run go Police station.

Last last, em come still tell them to wear their uniform from house come, so that area go know say them be Government pikin.

Na me be Street Person…. I want reach bunk, we go reason later na.

phcityvibes.com! – We are PH Original.

Read previous news content by Street Person.

Join our Online community on Facebook and be the first to get our story.
Follow us on Twitter


Comments are closed.